Increase in Livelihood – Rizq mein Wus’at

رزق میں وسعت

وَنُـنَزِّلُ مِنَ الْقُرْآنِ مَا ھُوَ شِفاءٌ وَرَحْمَۃٌ لِّلْمُؤْمِنِیْنَ وَلاَ یَزِیْدُ الظّٰلِمِیْنَ إلِاَّ خَسَارًا(بنی اسرائیل۔۸۲)، (اور ہم نے قرآن میں نازل کیا جو مومنوں کے لئے شفا اوررحمت ہے اور ظالموں کو کچھ نہیں ملتامگر خسارہ)

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اٹھتے بیٹھتے، چلتے پھرتے ہروقت، ہر حال میں کثرت سے یہ پڑھتے رہیں، تو انشأاللہ خیروبرکت اور رزق کی فراوانی ہو جائے گی۔۔۔
۔سُبْحٰنَ اللہِ وَبِحَمْدِہٖ سُبْحٰنَ اللہِ الْعَظِیْمِ وَبِحَمْدِہٖ اَسْتَغْفِرُاللہِ ۔ ۔ اَسْتَغْفِرُ اللهَ رَبِّىْ مِنْ كُلِّ ذَنْۢبٍ وَّاَتُوْبُ اِلَيْهِ۔
۔ اَسْتَغْفِرُاللہَ الَّذِیْ لَا اِلٰہَ اِلَّا ھُوَ الْحَیُّ الْقَیُّوْمُ وَ اَتُوْبُ اِلَیْہِ۔

اس آئت کو روزانہ فجر کے بعد گیارہ مرتبہ پڑھیں اور دعا مانگیں۔ انشاءاللہ جلد ہی معاشی حالت سنبھل جائے گی: اللَّهُ يَبْسُطُ الرِّزْقَ لِمَنْ يَّشَاءُ مِنْ عِبَادِهٖ وَيَقْدِرُ لَهُ إِنَّ اللَّهَ بِكُلِّ شَيْءٍ عَلِيْمٌ (العنکبوت۔۶۲)

رزق میں اضافے اور برکت کے لئے سُورَۃ اَلَم نَشرَح کثرت سے پڑھیں۔ چند ماہ میں غنی اور چند سال میں ہی عالیشان مکان کے مالک ہو جائیں گے۔

کوئی پلاٹ یا مکان فروخت نہ ہو رہا ہو، یا دکان میں رکھا ہوا سامان فروخت نہ ہو رہا ہو، تو یہ آئت سارا دن پڑھتے رہیں، انشاٗاللہ کام جلد ہو جائے گا۔۔۔ فَلَمَّا اسْتَيْأَسُوْا مِنْهُ خَلَصُوْا نَجِيًّا قَالَ كَبِيرُهُمْ أَلَمْ تَعْلَمُواْ أَنَّ أَبَاكُمْ قَدْ أَخَذَ عَلَيْكُم مَّوْثِقًا مِّنَ اللّهِ وَمِن قَبْلُ مَا فَرَّطتُمْ فِي يُوسُفَ فَلَنْ أَبْرَحَ الْأَرْضَ حَتَّىَ يَأْذَنَ لِي أَبِي أَوْ يَحْكُمَ اللّهُ لِي وَهُوَ خَيْرُ الْحَاكِمِينَ (سورۃ یوسف۔ ۸۰)۔

نوکری یا روزی کی بندش ختم کرنے کا عمل: پہلے دن الٓمّ، الٓمّص، الٓرٰ، الٓمّرٰ، کٓھٰیٰعص، طٰہٰ، طٰسّمّ، طٰسّ، یٰسّ، صّ، طٰمّ، عٓسّقّ، قٓ، نٓ پڑھتے رہیں۔ دوسرے دن تین تین بار معوذتین پڑھ کر اپنے اوپر دم کرتے رہیں۔ تیسرے دن درود پاک اور استغفار پڑھتے رہیں۔ اس دوران نوکری اور رزقِ حلال کے لئے دعا کرتے رہیں۔ انشأاللہ مراد بَر آئے گی۔

نوکری ، رزق اور دیگر حاجات کے لئے چار رکعت نماز حاجت اس طرح پڑھیں: پہلی رکعت میں سورۃ فاتحہ کے بعد گیارہ بار سورۃ اخلاص پڑھیں۔ دوسری رکعت میں سورۃ اخلاص اکیس بار پڑھیں۔ تیسری رکعت میں اکتیس بار اور چوتھی رکعت میں اکتالیس بار پڑھیں۔ سلام پھیرنے کے بعد سورۃ اخلاص اکاون بار اور درود پاک بھی اکاون بار پڑھیں۔ پھر سجدے میں جا کر سو بار یا اللہ پڑھیں۔ پھر سجدے سے سر اٹھا کر اللہ سے اپنی جائزحاجت طلب کریں۔

تعلیم یا نوکری میں ترقی کے لئے یہ آئت کثرت سے پڑھتے رہیں: أَمْ أَبْرَمُوْا أَمْرًا فَإِنَّا مُبْرِمُوْنَ (سورۃ الزخرف کی آئت نمبر ۷۹)

پیٹرول یا سی این جی بھروانے کے بعد سورۂ کوثر پڑھنے سے گاڑی اسی ایندھن میں معمول سے کہیں زیادہ سفر طے کرے گی۔

کثرت سے یہ مسنون دعا پڑھنے والے کا مرتے دم تک رزق کشادہ ہو گا: اَللّٰھُمَّ اجْعَلْ اَوْسَعَ رِزْقِکَ عَلَیَّ عِنْدَکِبَرِ سِنِّیْ وَانْقِطَاعِ عُمُرِیْ۔

تمام عمر روزانہ اوّل و آخر ۳، ۳ بار درود پاک کے ساتھ ۹۰ بار یَا مَالِکُ کا ورد کریں ، کچھ ہی عرصے میں رزق کے بند دروازے کھل جائیں گے۔

کثرت سے یہ دعا پڑھیں ، کچھ ہی عرصے میں رزق کے بند دروازے کھل جائیں گے: رَبِّ إِنِّي لِمَآ أَنْزَلْتَ إِلَيَّ مِنْ خَيْرٍ فَقِيرٌ (القصص۔۲۴)

روز کاروبار شروع کرنے سے پہلے اوّل و آخر ۳، ۳ بار درود پاک کے ساتھ 11 بار سورۃ فاتحۃ پڑھ کر دکان کے چاروں کونوں میں پھونک ماریں۔

جو شخص کم روزی، اور کم وسائل رکھتا ہو اور رزق میں بہتری اور اضافہ چاہتاہو تو اس آیت کو روزانہ فجر کی نماز کےبعد گیارہ مرتبہ پڑھ کر دعا مانگ لیا کرے: اَللَّهُ يَبْسُطُ الرِّزْقَ لِمَنْ يَّشَاءُ مِنْ عِبَادِهٖ وَيَقْدِرُ لَهُ إِنَّ اللَّهَ بِكُلِّ شَيْءٍ عَلِيْمٌ (العنکبوت۔۶۲)

اپنے ہر کام میں دست غیب کی مدد اور برکت کے لئےجمعرات کی رات سوتے وقت 70 بار سورۂ فاتحہ مع بِسْمِ اللہ کے پڑھیں، اول و آخر سات بار درودشریف ابراہیمی پڑھیں اپنے مقصد کا خوب تصور رکھیں۔ دوسرے دن اسی وقت 60 بار پڑھیں۔ بس روزانہ ایسے ہی دس مرتبہ کم کرتے جائیں آخر کار بدھ کو دس مرتبہ پڑھیں۔ ہر بار اپنے مقصد کا تصور توجہ، دھیان اور گریہ وزاری کریں۔ جمعرات کو پھر نیا ہفتہ اور سابقہ ترتیب کے ساتھ ستر مرتبہ یہ عمل کریں اور روزانہ اسی طرح دس مرتبہ کم کرتے جائیں۔ یہ عمل سات، چودہ یا اکیس ہفتے کریں، یا زندگی کا معمول بنالیں ۔

سامان وغیرہ کی فروخت کیلئے سورۂ یوسف کی آیت نمبر 80 پڑھیں تو انشاء اللہ وہ چیز ہاتھوں ہاتھ فروخت ہوجائے گی۔ اس آیت کو سارا دن خوب پڑھنا ہے۔ یہی عمل ان دکاندار حضرات کیلئے بھی ہے جن کا سامان نہیں بک رہا، دکان پر بیٹھ کر یہ آیت مسلسل بار بار پڑھیں انشاء اللہ حیران کن طور پر بکری میں خوب اضافہ ہوگا۔

کم تنخواہ سے پریشان ہر نماز کے بعد گیارہ گیارہ مرتبہ اول و آخر درود شریف درمیان میں 1111دفعہ یَا مُغْنِیُ اور پھر گیارہ دفعہ سُورَۂ مُزَمّل پڑھے۔

جب بھی زندگی کا کوئی کام یا امتحان دے کر فارغ ہوں اور کوئی پوچھ لے کے کیسا ہوا، تو ہمیشہ کہا کریں کہ۔۔ اَلْحَمْدُلِلّٰہ، اللہ کے فضل سے اچھا ہوا۔۔ یہ طالب علموں کیلئے انمول تحفہ ہے اور زندگی کی کامیابی کا سب سے بڑا رازہے۔ اللہ کا حکم ہے کہ ۔۔تم شکر کرو گے تو میں اور زیادہ دوں گا۔

پہاڑ جتنا قرض بھی فوری ادا کرنے کاعمل :ام المومنین حضرت عائشہ صدیقہ رضی اللہ تعالیٰ عنہا فرماتی ہیں کہ میرے پاس حضرت ابوبکر صدیق رضی اللہ تعالیٰ عنہٗ تشریف لائے اور فرمایا کہ کیا آپ نے وہ دعا سنی ہے جو رسول اللہ ﷺ نے مجھے سکھائی ہے۔ میں نے کہا کہ وہ کیا ہے؟ فرمایا: حضرت عیسیٰ بن مریم علیہ السلام اپنے اصحاب کو یہ دعا سکھاتے تھے فرمایا: اگر کسی کے اوپر پہاڑ جتنا قرضہ ہو اللہ تعالیٰ سے یہ دعا کرے تو اللہ تبارک تعالیٰ اس کا قرضہ ادا فرمادے گا: اَللّٰہُمَّ فَارِجَ الَّھَمِّ، کَاشِفَ الْغَمِّ، مُجِیْبَ دَعْوَۃِ المُضْطَرِّیْنَ، رَحْمٰنَ الدُّنْیَا وَالْاٰخِرَۃِ وَرَحِیْمَھُمَا، اَنْتَ تَرْحَمُنِیْ فَارْحَمْنِیْ بِرَحمَۃِ تُغْنِیْنِیْ بِھَا عَنْ رَّحْمَۃٍ مَّنْ سِوَاکَ۔

رزق، نوکری یا کوئی بھی مقصد ہو، اپنے مقصد کو ذہن میں رکھ کر، جمعرات کی رات سوتے وقت ستر (۷۰) بار بِسْمِ اللہ کے ساتھ سُوْرَۃ فَاتِحَہ پڑھیں، اور اوّل و آخر سات، سات بار درودِ ابراہیمی بھی پڑھیں۔ دوسرے دن اسی وقت ساٹھ (۶۰) بار پڑھیں۔ روزانہ اسی طرح دس (۱۰) کم کرتے جائیں، حتّیٰ کہ بدھ کو صرف دس (۱۰) مرتبہ پڑھیں۔ جمعرات کو پھر نیا ہفتہ اور سابقہ ترتیب کے ساتھ دوبارہ ستر (۷۰) مرتبہ یہی عمل کریں۔ یہ عمل سات، چودہ یا اکیس دن کریں۔ یا تو تمام عمر جاری رکھیں۔

تنگدستی سے پریشان، یعنی خرچ زیادہ ہو اور آمدنی کم ہو، اسے چاہیے کہ یَا وَہَّابُ کو گیارہ سو مرتبہ صبح و شام پڑھے، انشاء اللہ غربت ٹل جائے گی۔

اچانک کسی مالی پریشانی میں مبتلا ہوگیا ہو وہ یَا رَزَّاقُ کو اکیس ہزار مرتبہ روزانہ چالیس دن تک پڑھے۔ انشاء اللہ پریشانی ٹل جائے گی۔

چالیس دن میں ملے اپنا گھر: اگر آپ کا اپنا گھر نہیں ہے تو ۴۰ یوم، عشاء کی نماز کےبعد آیۃ الکرسی اکتالیس مرتبہ پڑھ کر اللہ سے دعا کریں۔ ناغہ کے دن بعد میں پورے کرلیں۔

رزق کی کمی ہو تو سات جَو کے دانوں پر 129 مرتبہ سُورَۃ کَوثَر پڑھیں اور اول و آخر درود ابراہیمی گیارہ گیارہ مرتبہ پڑھ کر دانوں پر دم کریں، اور غلے میں ملا دیں۔

کپڑے کی ایک تھیلی لے کر اس پر صبح و شام 129 مرتبہ سُورۂ کَوثَر پڑھیں اور جب بھی اس میں پیسے رکھیں،یا نکالیں، تو ایک مرتبہ سُورۂ کَوثَر پڑھ کردم کردیں۔ اس عمل کی برکت سے پیسوں میں اتنی برکت ہو جائے گی کہ تمام اخراجات کے بعد بھی پیسے بچ جائیں گے۔

اپنے گھر میں داخل ہوتے وقت پہلے سلام کریں، پھر درود شریف اورسُورۂ اِخلاص کی تلاوت کریں، اللہ تعالیٰ کا رزق بارش برسے گا۔

رزق میں برکت کیلئے صبح و شام، اول و آخر تین مرتبہ درود شریف کے ساتھ ایک بار سُورۂ فَاتِحَۃ اور تین بار سُورۂ اِخلاص پڑھیں۔

دوہزار مرتبہ بِسْمِ اللہِ الرَّحْمٰنِ الرَّحِیْمِ اس طرح پڑھیں کہ ہر ہزار کے بعد دو نفل حاجت کے پڑھیں۔ جائے نماز سے اٹھتے ہی حاجت پوری ہو گی۔

اکتالیس دفعہ اکتالیس دن تک سورۂ مزمل پڑھنےسے رزق میں بیحد برکت ہوگی۔

ہر امتحان میں کامیابی کیلئے دو رکعت نفل ادا کریں، سُورۃ القَلَم پڑھ کر اپنے قلم کی نوک پر پھونک ماریں۔ اس کے بعد سورۃ فتح پڑھ کر اپنے اوپر دم کر لیں۔ اس کے بعد جس مقصد کے لئے بھی ٹیسٹ دیں گے، کامیابی قدم چومے گی۔

حضرت ابوسعید خدری رضی اللہ تعالیٰ عنہٗ سے روایت ہے کہ ایک شخص نے عرض کیا یارسول اللہ ﷺ مجھ کو بہت سے افکار اور قرض نے گھیرلیا۔ آپ ﷺ نے ارشاد فرمایا کہ تجھ کوایسا کلام بتلادوں کہ اس کے پڑھنے سے اللہ تعالیٰ تیری ساری فکریں دور کردے اور تیرا قرض بھی ادا کردے۔ اُس شخص نے عرض کیا بہت خوب، فرمایا، صبح وشام یہ کہا کر :اَللّٰھُمَّ اِنِّیْ اَعُوْذُبِکَ مِنَ الْھَمِِّ وَالْحُزْنِ وَ الْعَجْزِ وَالْکَسَلِِ وَالْجُبْنِ وَالْبُخْلِِ وَضَلَعِ الدَّیْنِ وَغَلَبَۃِ لدَّیْنِ وَ قَھْرِ الرِِّجَالِ۔ انہوں نے یہی کیا، جس سے سارے غم فکریں جاتی رہیں اور قرض بھی ادا ہوگیا۔

Leave a Reply

Your email address will not be published. Required fields are marked *